جناب فیاض احمد چوھدری کی وفات حسرت آیات پر قائدین مصطفائی تحریک کا اظہار تعزیت

قائد تحریک جناب غلام مرتضٰی سعیدی مرکزی امیر مصطفائی تحریک اور جناب محمد قاسم مصطفائی سیکرٹری جنرل تحریک کاپیغام

 رہبر مصطفائی تحریک جناب ڈاکٹر ظفر اقبال نوری صاحب کے حروفِ غم

انّا للّٰہِ وانّا الیہ راجعون , اللّٰہ کریم ہمارے مرحوم بھائی کے درجات بلند فرمائے

انجمن کے قابل فخر سپوت جناب فیاض چوہدری  مرحوم کی وفات حسرت آیات پہ چند حروفِ غم رفقاء کے حوصلوں کی نذر

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

شہد میں ڈوبی

میٹھی میٹھی باتیں  اس کی

عزم سے روشن

باتیں  کرتی آنکھیں اس کی

سب کی سننا

کچھ نہ کہنا

چپکے چپکے منزل جانب

آگے آگے بڑھتے جانا عادت اس کی

ہنستے ہنستے

دکھ جھیلے بیماری کاٹی

وہ فیّاض تھا اپنا جانی

عشقِ محمد کا وہ داعی

دعوت  اپنی  دیتے دیتے

اپنے آقا کی  خدمت میں  جا پہنچا ہے

اس کے ساتھی اس کے بھائی

 اس کےغم میں ڈوبے  ہیں

سب کو دکھ ہے

سب کی آنکھیں  غم میں نیر بہاتی ہیں

اس  کو دیکھ نہ  پاتی ہیں

تا ہم   پھر بھی

اس کے جذبوں  اس کے نعروں کی اک خوشبو

نوری مجھ سے  کہتی ہے

عشقِ نبی میں مرنے والے

جگ جگ زندہ رہتے ہیں

 ٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
جناب حمزہ مصطفائی سابق مرکزی صدرانجمن طلباءاسلام پاکستان کا اظہار افسوس
فیاض احمد چودھری سابق ناظم انجمن طلبہ اسلام پنجاب آج انتقال کر گئے. فوت ہونے سے پہلے ہسپتال میں محفل ذکر رسول منعقد کی گئی. اللہ تعالی ان کا درجہ بلند فرمائے. آمین ثم آمین
  ٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
جناب ذوالفقار حیدر سیالوی صوبائی صدر مصطفائی تحریک پنجاب شمالی کے آنسو
دل خون کے آنسو رو رہا ہے آنکھوں سے سیلاب اشک رواں ہے فیاض چوہدری ایک شخص مگر انجمن طلباء اسلام کی ایک مکمل تاریخ تھے غالباً 1987 88 کی بات ہے انجمن طلباء اسلام میں شامل ہوا فیاض چوہدری اس وقت ضلع فیصل آباد کے عہدے داران میں سے تھےاچھے وقت تھے جھنگ میں کوئی بھی مسلہ ہوتا فیصل آباد سے دوست لبیک کہتے ان میں حمایت علی چوہدری شہید کشمیر فیاض چوہدری ہر اول دستے میں ہوتے تھے جھنگ ضلع کے ہر تربیتی پروگرام میں مرزا ارشد القمر قادری مرحوم اور فیاض چوہدری نے تشریف لانا شب بیداریاں کرانا۔ ذکر اللہ اور رقت آمیز دعائیں تادم آخر نہیں بھولیں گی۔ اللہ کریم دونوں بھائیوں کو کروٹ کروٹ جنت نصیب فرمائے ان کو آجر عظیم عطاء فرمائے فیاض چوہدری صاحب سے ملنے کے لیے رفاقت علی مجاہد اور میں ارادے ہی بناتے رہ گئے اور وہ اپنے محبوب رب العالمین کی بارگاہ میں عاجزی انکساری کا تحفہ لے کر پیش ہو گے۔ اے نفس مطمئنہ ا جا اپنے رب کی بارگاہ میں اس اندازمیں کہ وہ تجھ سے راضی اور تو اس سے راضی ہو داخل ہو جا اسکے بندوں میں اور داخل ہو جا جنت میں
خدا رحمت کند ایں عاشقان پاک طینت را
  ٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
 جناب ملک بخش الٰہی صاحب ڈویژنل صدر سنی اتحاد کونسل فیصل آباد
انا للہ وانا الیہ راجعون
اللہ پاک جنت الفردوس میں اعلی مقام عطا فرمائے ۔ آمین
   ٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
 جناب حامد نوازصاحب سرگودھا
 ﺇِﻧَّﺎ ﺍﻟﻠﻪِ ﻭَﺇِﻧَّﺎ ﺇِﻟَﻴْﻪِ ﺭَﺍﺟِﻌُﻮﻥَ.
انجمن کا ایک اور سپاہی داغ مفارقت دے چلا۔۔۔
سرکار کے غلاموں کو موت بھی نہیں مار سکتی۔۔۔ وہ ہر وقت زندہ جاوید ہیں۔
اللہ پاک فیاض چوہدری کے درجات بلند فرمائے۔
   ٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
 جناب مشتاق احمد قادری صاحب قصور
اللہ پاک اپنے پیارے حبیب کے صدقے فیاض چوہدری کے درجات بلند فرمائے، اور لواحقین کو صبر جمیل عطا فرمائے۔ 
 ٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
 جناب احد شریف صاحب ادارہ تعلیمات اسلامیہ فیصل آباد
انا اللہ وانا الیہ راجعون اللہ پاک ہمارے بھائی کو کروٹ کروٹ جنت نصیب کرے اور لواحقین کو صبر جمیل اور اجر عظیم عطا فرمائے آمین ثم آمین

 ٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

جناب محمد سلیمان مصطفائی سابق نائب ناظم انجمن طلباء اسلام جنوبی پنجاب

انا للہ و انا الیہ راجعون
اللہ کریم فیاض چوہدری صاحب کو جنت الفردوس میں اعلیٰ مقام عطا فرمائےاور لواحقین کو صبر جمیل عطا فرمائے آمین
بھریڑی میں ایک عظیم الشان محفل نعت میں چوہدری صاحب سے ملاقات ہوئی تھی اس وقت نائب ناظم انجمن طلباء اسلام جنوبی پنجاب کی ذمہ داری تھی مجھ پر
انجمن طلباء اسلام سے کمال درجہ محبت دیکھیں مجھے حکم فرمایا بھکر میں ATI کے کام کے حوالے سے کوئی کوشش کریں

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
 جناب محمد علی قمر ڈوگر ڈویژنل صدر مصطفائی تحریک لاہور
کڑے سفر کا تھکا مسافر، تھکا ہے ایسا کہ سو گیا ہے
خود اپنی آنکھیں تو بند کر لیں، ہر آنکھ لیکن بھگو گیا ہے

انجمن طلبہ اسلام کا فخر، میرا قائد اور بھائی
عظیم تحریکی ساتھی فیاض احمد فیضی بھی ہمیں داغِ مفارقت دے گیا
انا للہ وانا الیہ راجعون
اللہ تعالیٰ ان کی مغفرت فرمائے اور ان کو جنت الفردوس میں اعلیٰ مقام عطاء کرے آمین