٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
حضور شہرِ مدینہ جہانِ رحمت ہے
حضور جس کی زمیں آسمانِ برکت ہے
حضور آپ کی بستی میں جو مر مٹے کوئی
حضور اس کو یقیناً ضمانِ جنت ہے
حضور آپ کا تابع ہو گر خدا کا محب
حضور اُس کو خدا سے ضمان ِالفت ہے
حضور طلعتِ مہر و مہ و نجوم گواہ
حضور آپ کو حاصل عنانِ قدرت ہے
حضور آپ سے جلوہ گہِ جہاں میں نمو
حضور آپ کی آمد زمانِ طلعت ہے
حضور آپ شکستہ دلوں کے محسن ہیں
حضور آپ کا لہجہ ہی جان ِ رافت ہے
حضور آپ نے گرتے ہوؤں کو تھاما ہے
حضور آپ کی ہمّت نشانِ رفعت ہے
حضور آپ نے بخشی ہیں نرمیاں ساری
“حضور آپ کا اسوہ جہانِ رحمت ہے “
حضور اس لیے ہم پرخدا کی رحمتیں ہیں
حضور آپ کی بعثت ہی شان ِ نعمت ہے
حضور آپ کی عترت کا میں جو نوکر ہوں
حضور میرا معطّر جہانِ نسبت ہے
حضور حرف ثنا کا کوئی عطا اس کو
حضور آپ کا نُوری لسانِ لکنت ہے
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
بندۂ عاجز : ظفراقبال نوری
کوئی تبصرے نہیں:
ایک تبصرہ شائع کریں