اور ہم کوفی
تعزیروں سے
زنجیروں سے
حکم کی تحریروں سے
ہیں سہمے سہمے
اور ہم کوفی
آتش وآہن کی
آنسو ، آنسو
اس برکھا رت میں
چپ سادھے سادھے
اور ہم کوفی
کوئی آہٹ
زنجیر عدل کی
کوئی صدا
جمہور اہل کی
ظلم سہیں سہیں
اور ہم کوفی
اے یزید وقت
تیرے بڑبولے
حق کو
نا حق کہیں کہیں
اور ہم کوفی
ششدر و بے زباں
مردہ ضمیر عیاں
صحیفہ جدید زرد زرد
اور ہم کوفی
اپنے نگر میں
زیست کے سفر میں
میرے سید ہجویر
آلام ہوں سعد سعید
چپ نہ رہیں،
ظلم کو ظلم کہیں
اور ہم کوفی
کوئی تبصرے نہیں:
ایک تبصرہ شائع کریں