جالب جالب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حبیب جالب کا تعلق دریائے بیاس کے کنارے واقع گائوں میانی افغاناں ضلع ہوشیار پور سے تھا جسے دوآبہ بہشت کا گلابہ بھی کہتے تھے۔ یہ سرسبز و شاداب باغوں کا علاقہ مہمند پٹھانوں کی ملکیت تھا۔

حبیب جالب24 مارچ 1928ء کو پیدا ہوئے۔ آپ کے والد صوفی عنایت اللہ صاحبِ علم شخص تھے جنہوں نے بے شمار قلمی نسخوں کے علاوہ ایک کتاب ’’گلہائے عقیدت‘‘ بطور یادگار چھوڑی ہے۔ جالب نے ابتدائی تعلیم گاوں میانی افغاناں ہی میں حاصل کی۔ ساتویں کا امتحان پاس کرنے کے بعد دہلی میں اینگلو عربک ہائی سکول سے تعلیم حاصل کی۔

حبیب جالب14 اگست 1947ء کو قیام پاکستان کے وقت خاندان کے ساتھ کراچی منتقل ہو گئے۔ پھر کچھ عرصہ بعد لاہور آ کر اورینٹل کالج میں داخلہ لیا مگر اس سلسلے کو جاری نہ رکھ سکے۔ 

جالب نے اپنی عملی زندگی کا آغاز دوران تعلیم شعبہ صحافت سے کر کے روزنامہ ’’آفاق‘‘ سے منسلک ہو گئے۔ پھر واپس کراچی چلے گئے اور وہاں روزنامہ ’’جنگ‘‘ کام کیا۔ کچھ عرصہ بعد لاہور آ کر روزنامہ ’’امروز‘‘ سے وابستہ ہو گئے ۔ حبیب جالب کی پہلی تصنیف ’’برگ آوارہ‘‘ لاہور ہی میں شائع ہوئی۔

حبیب جالب ترقی پسند تحریک سے وابستہ تھے۔ عملی سیاست میں قدم رکھتے ہوئے نیشنل عوامی پارٹی میں شمولیت اختیار کی۔ 

جالب آمریت کے ہر دور میں سینہ سپر رہے اور اپنے قلم کی مدد سے مظلوموں کی مدد کرتے رہے اور ظالم کو للکارتے رہے۔

حبیب جالب کی تصنیفات میں برگ آوارہ‘ سر مقتل‘ عہد ستم‘ گنبد بے در‘ ذکر بہتے خون کا‘ گوشے میں قفس کے‘ گنبد بیدار‘ چاروں جانب سناٹا ہے‘ عہد سزا‘ اس شہر خرابی میں‘ حرف حق‘ حرف سردار شامل ہیں۔ اس کے علاوہ اُن کی زندگی کے نشیب و فراز سے مزین آپ بیتی ’’جالب بیتی‘‘ کے نام سے شائع ہوئی جو اُس دور کے سیاسی، سماجی اور ادبی حالات کی بہترین عکاس ہے۔

حبیب جالب کا انتقال 13 مارچ 1993ءکو بروز جمعہ 18 رمضان المبارک کو رات کے وقت لاہور میں ہوا۔ آپ کا مدفن قبرستان سبزہ زار میں ہے۔

(جالبؔ کی بڑی بیٹی جمیلہ نور افشاں کا انتقال بھی 18 رمضان المبارک 28 جولائی 2009ء کو ہوا تھا۔)

(جمیلہ نور افشاں، حبیب جالب کی بڑی بیٹی، جالب بھائی کو اپنی اس بیٹی سے بہت پیار تھا، حبیب جالب کو بڑا شاعر تسلیم کروانے میں اس بچی کا بھی حصہ ہے یہ واقعہ ہے 1967کا۔ بھائی جالب کی شہرہ آفاق کتاب ’’سر مقتل‘‘ شایع ہوچکی تھی۔ اکتوبر1966میں اس کتاب کا پہلا ایڈیشن چھپا۔ پھر پونے دوماہ میں اس کتاب کے سات ایڈیشن شایع ہوئے، نومبر1966کے آخری ہفتے میں جنرل ایوب خان کی حکومت نے کتاب پر پابندی لگادی، کتاب کے پبلیشر مکتبہ کارواں کے چوہدری عبدالحمید کو گرفتار کرلیا، پریس میں موجود زیر طبع ایڈیشن ضبط کرلیے اور پریس کو سیل کردیا۔ جنرل کے مخالفوں اور آزادی کے متوالوں نے پورے ملک میں سر مقتل کو خفیہ چھاپہ خانوں میں چھاپ چھاپ کر پھیلادیا۔ خیر چند دنوں بعد جالب صاحب کو بھی ’’یوم حمید نظامی‘‘ پر نظم ’’چھ ستمبر‘‘ سنانے پر گرفتار کرلیا گیا، اس جلسے کی صدارت ذوالفقار علی بھٹو نے کی تھی اور اسٹیج سیکریٹری شورش کاشمیری تھے۔

جالب صاحب پولیس کی گرفت میں تھے اور انھیں ہتھکڑی لگا کر پولیس ان کے گھر لے آئی، پولیس کا کہنا تھا کہ ضبط شدہ کتاب گھر میں موجود ہے اور مخبر نے بڑی پکی خبر پولیس کو دی تھی۔ کیونکہ پولیس اسی الماری کی طرف لپکی جہاں کتابیں پڑی تھیں،جالبؔ کی بیگم نے پولیس کو آتا دیکھ کر کتابوں کا بنڈل نیچے مالک مکان کے صحن میں پھینک دیا، اور انھوں نے کتابوں کو کہیں اور منتقل کردیا۔ جمیلہ نورافشاں اس وقت دو سال کی بچی تھی۔ وہ ماں کی گود سے باپ کی گود میں جانے کے لیے بے قرار ہورہی تھی۔ شاعر نے اپنی بچی کو اٹھالیا اور بچی نے باپ کے ہاتھوں میں بندھی ہتھکڑی سے کھیلنا شروع کردیا۔ بچی ہتھکڑی سے کھیل رہی تھی اور باب کو دیکھ دیکھ کر ہنس رہی تھی اور یوں شاعر نے ایک چھوٹی سی مگر بہت بڑی نظم کہہ ڈالی ،تین اشعار کی نظم دیکھئے۔

میری بچی

اس کو شاید کھلونا لگی ہتھکڑی

میری بچی مجھے دیکھ کر ہنس پڑی

یہ ہنسی تھی، سحر کی بشارت مجھے

یہ ہنسی دے گئی کتنی طاقت مجھے

کس قدر زندگی کو سہارا ملا

ایک تابندہ کل کا اشارا ملا

ابراہیم جلیس نے کہا تھا ’’ہم اس نظم کو بین الاقوامی سطح پر فخریہ پیش کرسکتے ہیں۔)‘‘

جالبؔ کی تدفین والے دن آسمان بھی جی بھر کے رویا تھا۔ اس واقعے کو شاعر اسلم گورداسپوری نے یوں بیان کیا تھا۔

فرط غم حبیب سے ہر سوگوار کی

آنکھوں سے آنسوؤں کی روانی نہ تھم سکی

لپٹی کفن میں میت جالب کو دیکھ کر

کل آسماں کی اشک فشانی نہ تھم سکی

اب جالبؔ کو آہوں اور سسکیوں کے ساتھ قبر میں اتارا جارہا تھا۔ آسماں بھی کھل کر برس چکا تھا اور اب پھوار پڑرہی تھی، شہر کے ادبا، وکلاء جج صاحبان، سیاسی رہنما، کارکن، مزدور اور عوام شدید بارش کے باوجود کثیر تعداد میں موجود تھے۔ شاعر حبیب جالب کو سپرد خاک کرنے کے منظر کو امجد اسلام امجد نے یوں قلم بند کیا ہے۔

جس آوارہ ، دیوانے کو جالب کہتے تھے

ہستی کی اس راہ گزر سے اب وہ جاتا ہے

اے مٹی، اے ارض وطن، لے اپنی بانہیں کھول

تیری جانب لوٹ کے تیرا شاعر آتا ہے

۔۔۔۔۔۔۔۔۔۔۔

جالب نظریے کا شاعر اور نظریے کا انسان تھا۔ زندگی کی قدریں انہیں بے حد عزیز تھیں۔ وہ بے قاعدگی‘ ظلم‘ ناانصافی‘ تعیش پسندی‘ اخلاقی پستی اور سماجی ناہمواری کے دشمن تھے۔ جالب کو زندگی کی قدریں بہت عزیز تھیں۔ وہ ہمیشہ ظلم‘ ناانصافی‘ سماجی ناہمواریوں کے خلاف آواز اٹھاتے رہے۔ 

حبیب جالب نے فلموں کے لیے بھی نغمے لکھے۔ چند مشہور فلموں میں گھونگھٹ، ماں بہو اور بیٹا، خاموش رہو، قیدی، یہ امن، کون کسی کا، بھروسہ، پرائی آگ، ناگ منی، سماج اور زرقا شامل ہیں۔ فلم ’’زرقا‘‘ کا مہدی حسن کا گایا ہوا نغمہ ’’رقص زنجیر پہن کر بھی کیا جاتا ہے‘‘ بے حد مقبول ہوا۔

حبیب جالب کی انقلابی اور عوامی شاعری بے حد مقبول ہے اور ان کی بہت ساری نظمیں اور اشعار زبان زد عام ہیں۔انہوں نے معاشرے کے ہر پہلو پر قلم اٹھایا۔

تم سے پہلے وہ جو اک شخص یہاں تخت نشیں تھا

اس کو بھی اپنے خدا ہونے کا اتنا ہی یقیں تھا

یہ منصف بھی تو قیدی ہیں ہمیں انصاف کیا دیں گے

لکھا ہے ان کے چہروں پر جو ہم کو فیصلہ دیں گے

دیپ جس کا محلات ہی میں جلے

چند لوگوں کی خوشیوں کو لے کر چلے

وہ جو سائے میں ہر مصلحت کے پلے

ایسے دستور کو‘ صبح بے نور کو

میں نہیں مانتا میں نہیں جانتا

ظلمت کو ضیا صرصر کو صبا بندے کو خدا کیا لکھنا

پتھر کو گہر‘ دیوار کو در‘ کرگس کو ہما کیا لکھنا

اردو شاعری کی طرح حبیب جالب کی پنجابی شاعری بھی عوام میں بے حد مقبول ہوئی۔

امریکہ توں جنگ آئوندی اے

بھکھ آئوندی اے ننگ آئوندی اے

اپنی گل نہ چھڈیں جالبؔ شاعر کجھ وی آکھن

اپنی رنگت کھو دیندے نیں رنگ رنگاں وچ گھل کے

۔۔۔۔۔۔۔۔۔۔۔۔۔۔۔۔۔۔۔۔

نوٹ: بقول حبیب جالب کی بیٹی طاہرہ حبیب جالب کے کہ حبیب جالب کی تاریخ وفات 13 مارچ ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

منتخب کلام:

ﺩﻝ ﮐﯽ ﺑﺎﺕ ﻟﺒﻮﮞ ﭘﺮ ﻻ ﮐﺮ ﺍﺏ ﺗﮏ ﮨﻢ ﺩﮐﮫ ﺳﮩﺘﮯ ﮨﯿﮟ

ﮨﻢ ﻧﮯ ﺳﻨﺎ ﺗﮭﺎ ﺍﺱ ﺑﺴﺘﯽ ﻣﯿﮟ ﺩﻝ ﻭﺍﻟﮯ ﺑﮭﯽ ﺭﮨﺘﮯ ﮨﯿﮟ

ﺑﯿﺖ ﮔﯿﺎ ﺳﺎﻭﻥ ﮐﺎ ﻣﮩﯿﻨﮧ، ﻣﻮﺳﻢ ﻧﮯ ﻧﻈﺮﯾﮟ ﺑﺪﻟﯿﮟ

ﻟﯿﮑﻦ ﺍﻥ ﭘﯿﺎﺳﯽ ﺁﻧﮑﮭﻮﮞ ﺳﮯ ﺍﺏ ﺗﮏ ﺁﻧﺴﻮ ﺑﮩﺘﮯ ﮨﯿﮟ

ﺍﯾﮏ ﮨﻤﯿﮟ ﺁﻭﺍﺭﮦ ﮐﮩﻨﺎ ﮐﻮﺋﯽ ﺑﮍﺍ ﺍﻟﺰﺍﻡ ﻧﮩﯿﮟ

ﺩﻧﯿﺎ ﻭﺍﻟﮯ ﺩﻝ ﻭﺍﻟﻮﮞ ﮐﻮ ﺍﻭﺭ ﺑﮩﺖ ﮐﭽﮫ ﮐﮩﺘﮯ ﮨﯿﮟ

ﺟﻦ ﮐﯽ ﺧﺎﻃﺮ ﺷﮩﺮ ﺑﮭﯽ ﭼﮭﻮﮌﺍ، ﺟﻦ ﮐﮯ ﻟﯿﮯ ﺑﺪﻧﺎﻡ ﮨﻮﺋﮯ

ﺁﺝ ﻭﮨﯽ ﮨﻢ ﺳﮯ ﺑﯿﮕﺎﻧﮯ ﺑﯿﮕﺎﻧﮯ ﺳﮯ ﺭﮨﺘﮯ ﮨﯿﮟ

ﻭﮦ ﺟﻮ ﺍﺑﮭﯽ ﺍﺱ ﺭﺍﮦ ﮔﺰﺭ ﺳﮯ ﭼﺎﮎ ﮔﺮﯾﺒﺎﮞ ﮔﺰﺭﺍ ﺗﮭﺎ

ﺍﺱ ﺁﻭﺍﺭﮦ ﺩﯾﻮﺍﻧﮯ ﮐﻮ ﺟﺎﻟﺐ ﺟﺎﻟﺐ ﮐﮩﺘﮯ ﮨﯿﮟ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

ﺁﺝ ﺍﺱ ﺷﮩﺮ ﻣﯿﮟ ﮐﻞ ﻧﺌﮯ ﺷﮩﺮ ﻣﯿﮟ ﺑﺲ ﺍﺳﯽ ﻟﮩﺮ ﻣﯿﮟ

ﺍﮌﺗﮯ ﭘﺘﻮﮞ ﮐﮯ ﭘﯿﭽﮭﮯ ﺍﮌﺍﺗﺎ ﺭﮨﺎ ﺷﻮﻕ ﺁﻭﺍﺭﮔﯽ

ﺍﺱ ﮔﻠﯽ ﮐﮯ ﺑﮩﺖ ﮐﻢ ﻧﻈﺮ ﻟﻮﮒ ﺗﮭﮯ، ﻓﺘﻨﮧ ﮔﺮ ﻟﻮﮒ ﺗﮭﮯ

ﺯﺧﻢ ﮐﮭﺎﺗﺎ ﺭﮨﺎ ﻣﺴﮑﺮﺍﺗﺎ ﺭﮨﺎ، ﺷﻮﻕ ﺁﻭﺍﺭﮔﯽ

ﮐﻮﺋﯽ ﭘﯿﻐﺎﻡ ﮔﻞ ﺗﮏ ﻧﮧ ﭘﮩﻨﭽﺎ ﻣﮕﺮ ﭘﮭﺮ ﺑﮭﯽ ﺷﺎﻡ ﻭ ﺳﺤﺮ

ﻧﺎﺯ ﺑﺎﺩ ﭼﻤﻦ ﮐﮯ ﺍﭨﮭﺎﺗﺎ ﺭﮨﺎ ﺷﻮﻕ ﺁﻭﺍﺭﮔﯽ

ﮐﻮﺋﯽ ﮨﻨﺲ ﮐﮯ ﻣﻠﮯ ﻏﻨﭽۂ ﺩﻝ ﮐﮭﻠﮯ ﭼﺎﮎ ﺩﻝ ﮐﺎ ﺳﻠﮯ

ﮨﺮ ﻗﺪﻡ ﭘﺮ ﻧﮕﺎﮨﯿﮟ ﺑﭽﮭﺎﺗﺎ ﺭﮨﺎ ﺷﻮﻕ ﺁﻭﺍﺭﮔﯽ

ﺩﺷﻤﻦ ﺟﺎﮞ ﻓﻠﮏ، ﻏﯿﺮ ﮨﮯ ﯾﮧ ﺯﻣﯿﮟ ﮐﻮﺋﯽ ﺍﭘﻨﺎ ﻧﮩﯿﮟ

ﺧﺎﮎ ﺳﺎﺭﮮ ﺟﮩﺎﮞ ﮐﯽ ﺍﮌﺍﺗﺎ ﺭﮨﺎ ﺷﻮﻕ ﺁﻭﺍﺭﮔﯽ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ﺍﻭﺭ ﺳﺐ ﺑﮭﻮﻝ ﮔﮱ ﺣﺮﻑ ﺻﺪﺍﻗﺖ ﻟﮑﮭﻨﺎ

ﺭﮦ ﮔﯿﺎ ﮐﺎﻡ ﮨﻤﺎﺭﺍ ﮨﯽ ﺑﻐﺎﻭﺕ ﻟﮑﮭﻨﺎ

ﻻﮐﮫ ﮐﮩﺘﮯ ﺭﮨﯿﮟ ﻇﻠﻤﺖ ﮐﻮ ﻧﮧ ﻇﻠﻤﺖ ﻟﮑﮭﻨﺎ

ﮨﻢ ﻧﮯ ﺳﯿﮑﮭﺎ ﻧﮩﯿﮟ ﭘﯿﺎﺭﮮ ﺑﮧ ﺍﺟﺎﺯﺕ ﻟﮑﮭﻨﺎ

ﻧﮧ ﺻﻠﮯ ﮐﯽ ﻧﮧ ﺳﺘﺎﺋﺶ ﮐﯽ ﺗﻤﻨﺎ ﮨﻢ ﮐﻮ

ﺣﻖ ﻣﯿﮟ ﻟﻮﮔﻮﮞ ﮐﮯ ﮨﻤﺎﺭﯼ ﺗﻮ ﮨﮯ ﻋﺎﺩﺕ ﻟﮑﮭﻨﺎ

ﮨﻢ ﻧﮯ ﺟﻮ ﺑﮭﻮﻝ ﮐﮯ ﺑﮭﯽ ﺷﮩﮧ ﮐﺎ ﻗﺼﯿﺪﮦ ﻧﮧ ﮐﮩﺎ

ﺷﺎﺋﺪ ﺁﯾﺎ ﺍﺳﯽ ﺧﻮﺑﯽ ﮐﯽ ﺑﺪﻭﻟﺖ ﻟﮑﮭﻨﺎ

ﺍﺱ ﺳﮯ ﺑﮍﮪ ﮐﺮ ﻣﯿﺮﯼ ﺗﺤﺴﯿﻦ ﺑﮭﻼ ﮐﯿﺎ ﮨﻮ ﮔﯽ

ﭘﮍﮪ ﮐﮯ ﻧﺎ ﺧﻮﺵ ﮨﯿﮟ ﻣﯿﺮﺍ ﺻﺎﺣﺐ ﺛﺮﻭﺕ ﻟﮑﮭﻨﺎ

ﺩﮨﺮ ﮐﮯ ﻏﻢ ﺳﮯ ﮨﻮﺍ ﺭﺑﻂ ﺗﻮ ﮨﻢ ﺑﮭﻮﻝ ﮔﮱ

ﺳﺮﻭ ﻗﺎﻣﺖ ﮐﻮ ﺟﻮﺍﻧﯽ ﮐﻮ ﻗﯿﺎﻣﺖ ﻟﮑﮭﻨﺎ

ﮐﭽﮫ ﺑﮭﯽ ﮐﮩﺘﮯ ﮨﯿﮟ ﮐﮩﯿﮟ ﺷﺎﮦ ﮐﮯ ﻣﺼﺎﺣﺐ ﺟﺎﻟﺐ

ﺭﻧﮓ ﺍﭘﻨﺎ ﯾﮩﯽ ﺭﮐﮭﻨﺎ ﺍﺳﯽ ﺻﻮﺭﺕ ﻟﮑﮭﻨﺎ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ﺍﺱ ﺩﻭﺭِ ﺧﺮﺍﺑﯽ ﻣﯿﮟ ﻏﻢِ ﻋﺸﻖ ﮐﮯ ﻣﺎﺭﮮ

ﺯﻧﺪﮦ ﮨﯿﮟ ﯾﮩﯽ، ﺑﺎﺕ ﺑﮍﯼ ﺑﺎﺕ ﮨﮯ ﭘﯿﺎﺭﮮ

ﯾﮧ ﮨﻨﺴﺘﺎ ﮨﻮﺍ ﭼﺎﻧﺪ ﯾﮧ ﭘﺮ ﻧﻮﺭ ﺳﺘﺎﺭﮮ

ﺗﺎﺑﻨﺪﮦ ﻭ ﭘﺎﺋﻨﺪﮦ ﮨﯿﮟ ﺫﺭﻭﮞ ﮐﮯ ﺳﮩﺎﺭﮮ

ﺣﺴﺮﺕ ﮨﮯ ﮐﻮ ﺉ ﻏﻨﭽﮧ ﮨﻤﯿﮟ ﭘﯿﺎﺭ ﺳﮯ ﺩﯾﮑﮭﮯ

ﺍﺭﻣﺎﮞ ﮨﮯ ﮐﻮﺉ ﭘﮭﻮﻝ ﮨﻤﯿﮟ ﺩﻝ ﺳﮯ ﭘﮑﺎﺭﮮ

ﮨﺮ ﺻﺒﺢ ﻣﯿﺮﯼ ﺻﺒﺢ ﭘﮧ ﺭﻭﺗﯽ ﺭﮨﯽ ﺷﺒﻨﻢ

ﮨﺮ ﺭﺍﺕ ﻣﯿﺮﯼ ﺭﺍﺕ ﭘﮧ ﮨﻨﺴﺘﮯ ﺭﮨﮯ ﺗﺎﺭﮮ

ﮐﭽﮫ ﺍﻭﺭ ﺑﮭﯽ ﮨﯿﮟ ﮐﺎﻡ ﮨﻤﯿﮟ ﺍﮮ ﻏﻢ ﺟﺎﻧﺎﮞ

ﮐﺐ ﺗﮏ ﮐﻮﺉ ﺍﻟﺠﮭﯽ ﮨﻮ ﺉ ﺯﻟﻔﻮﮞ ﮐﻮ ﺳﻨﻮﺍﺭﮮ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

ﺩﺳﺘﻮﺭ

ﺩﯾﭗ ﺟﺲ ﮐﺎ ﻣﺤﻼﺕ ﮨﯽ ﻣﯿﮟ ﺟﻠﮯ

ﭼﻨﺪ ﻟﻮﮔﻮﮞ ﮐﯽ ﺧﻮﺷﯿﻮﮞ ﮐﻮ ﻟﮯ ﮐﺮ ﭼﻠﮯ

ﻭﮦ ﺟﻮ ﺳﺎﺋﮯ ﻣﯿﮟ ﮨﺮ ﻣﺼﻠﺤﺖ ﮐﮯ ﭘﻠﮯ

ﺍﯾﺴﮯ ﺩﺳﺘﻮﺭ ﮐﻮ، ﺻﺒﺢ ﺑﮯ ﻧﻮﺭ ﮐﻮ

ﻣﯿﮟ ﻧﮩﯿﮟ ﻣﺎﻧﺘﺎ، ﻣﯿﮟ ﻧﮩﯿﮟ ﻣﺎﻧﺘﺎ

ﻣﯿﮟ ﺑﮭﯽ ﺧﺎﺋﻒ ﻧﮩﯿﮟ ﺗﺨﺘﮧ ﺩﺍﺭ ﺳﮯ

ﻣﯿﮟ ﺑﮭﯽ ﻣﻨﺼﻮﺭ ﮨﻮﮞ ﮐﮩﮧ ﺩﻭ ﺍﻏﯿﺎﺭ ﺳﮯ

ﮐﯿﻮﮞ ﮈﺭﺍﺗﮯ ﮨﻮ ﺯﻧﺪﺍﮞ ﮐﯽ ﺩﯾﻮﺍﺭ ﺳﮯ

ﻇﻠﻢ ﮐﯽ ﺑﺎﺕ ﮐﻮ، ﺟﮩﻞ ﮐﯽ ﺭﺍﺕ ﮐﻮ

ﻣﯿﮟ ﻧﮩﯿﮟ ﻣﺎﻧﺘﺎ، ﻣﯿﮟ ﻧﮩﯿﮟ ﻣﺎﻧﺘﺎ

ﭘﮭﻮﻝ ﺷﺎﺧﻮﮞ ﭘﮧ ﮐﮭﻠﻨﮯ ﻟﮕﮯ، ﺗﻢ ﮐﮩﻮ

ﺟﺎﻡ ﺭﻧﺪﻭﮞ ﮐﻮ ﻣﻠﻨﮯ ﻟﮕﮯ، ﺗﻢ ﮐﮩﻮ

ﭼﺎﮎ ﺳﯿﻨﻮﮞ ﮐﮯ ﺳﻠﻨﮯ ﻟﮕﮯ، ﺗﻢ ﮐﮩﻮ

ﺍِﺱ ﮐﮭﻠﮯ ﺟﮭﻮﭦ ﮐﻮ، ﺫﮨﻦ ﮐﯽ ﻟﻮﭦ ﮐﻮ

ﻣﯿﮟ ﻧﮩﯿﮟ ﻣﺎﻧﺘﺎ، ﻣﯿﮟ ﻧﮩﯿﮟ ﻣﺎﻧﺘﺎ

ﺗﻢ ﻧﮯ ﻟﻮﭨﺎ ﮨﮯ ﺻﺪﯾﻮﮞ ﮨﻤﺎﺭﺍ ﺳﮑﻮﮞ

ﺍﺏ ﻧﮧ ﮨﻢ ﭘﺮ ﭼﻠﮯ ﮔﺎ ﺗﻤﮭﺎﺭﺍ ﻓﺴﻮﮞ

ﭼﺎﺭﮦ ﮔﺮ ﻣﯿﮟ ﺗﻤﮩﯿﮟ ﮐﺲ ﻃﺮﺡ ﺳﮯ ﮐﮩﻮﮞ

ﺗﻢ ﻧﮩﯿﮟ ﭼﺎﺭﮦ ﮔﺮ، ﮐﻮﺋﯽ ﻣﺎﻧﮯ، ﻣﮕﺮ

ﻣﯿﮟ ﻧﮩﯿﮟ ﻣﺎﻧﺘﺎ، ﻣﯿﮟ ﻧﮩﯿﮟ ﻣﺎﻧﺘﺎ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ﺿﺎﺑﻄﮧ

ﯾﮧ ﺿﺎﺑﻄﮧ ﮨﮯ ﮐﮧ ﺑﺎﻃﻞ ﮐﻮ ﻣﺖ ﮐﮩﻮﮞ ﺑﺎﻃﻞ

ﯾﮧ ﺿﺎﺑﻄﮧ ﮨﮯ ﮐﮧ ﮔﺮﺩﺍﺏ ﮐﻮ ﮐﮩﻮﮞ ﺳﺎﺣﻞ

ﯾﮧ ﺿﺎﺑﻄﮧ ﮨﮯ ﺑﻨﻮﮞ ﺩﺳﺘﻮ ﺑﺎﺯﻭ ﮰ ﻗﺎﺗﻞ

ﯾﮧ ﺿﺎﺑﻄﮧ ﮨﮯ ﺩﮬﮍﮐﻨﺎ ﺑﮭﯽ ﭼﮭﻮﮌ ﺩﮮ ﯾﮧ ﺩﻝ

ﯾﮧ ﺿﺎﺑﻄﮧ ﮨﮯ ﮐﮧ ﻏﻢ ﮐﻮ ﻧﮧ ﻏﻢ ﮐﮩﺎ ﺟﺎﮰ

ﯾﮧ ﺿﺎﺑﻄﮧ ﮨﮯ ﺳﺘﻢ ﮐﻮ ﮐﺮﻡ ﮐﮩﺎ ﺟﺎﮰ

ﺑﯿﺎﮞ ﮐﺮﻭﮞ ﻧﮧ ﮐﺒﮭﯽ ﺍﭘﻨﯽ ﺩﻝ ﮐﯽ ﺣﺎﻟﺖ ﮐﻮ

ﻧﮧ ﻻﺅﮞ ﻟﺐ ﭘﮧ ﮐﺒﮭﯽ ﺷﮑﻮﮦ ﻭ ﺷﮑﺎﯾﺖ ﮐﻮ

ﮐﻤﺎﻝِ ﺣﺴﻦ ﮐﮩﻮﮞ ﻋﯿﺐ ﮐﻮ ﺟﮩﺎﻟﺖ ﮐﻮ

ﺟﮕﺎﺅﮞ ﻧﮧ ﺳﻮﺉ ﮨﻮﺉ ﻋﺪﺍﻟﺖ ﮐﻮ

ﯾﮧ ﺿﺎﺑﻄﮧ ﮨﮯ ﺣﻘﯿﻘﺖ ﮐﻮ ﺍﮎ ﻓﺴﺎﻧﮧ ﮐﮩﻮﮞ

ﯾﮧ ﺿﺎﺑﻄﮧ ﮨﮯ ﻗﻔﺲ ﮐﻮ ﺑﮭﯽ ﺁﺷﯿﺎﻧﮧ ﮐﮩﻮﮞ

ﯾﮧ ﺿﺎﺑﻄﮧ ﮨﮯ ﮐﮩﻮﮞ ﺩﺷﺖ ﮐﻮ ﮔﻠﺴﺘﺎﮞ ﺯﺍﺭ

ﺧﺰﺍﮞ ﮐﮯ ﺭﻭﭖ ﮐﻮ ﻟﮑﮭﻮﮞ ﻓﺮﻭﻍ ﺣﺴﻦ ﺑﮩﺎﺭ

ﮨﺮ ﺍﯾﮏ ﺩﺷﻤﻦ ﺟﺎﮞ ﮐﻮ ﮐﮩﻮﮞ ﻣﯿﮟ ﮨﻤﺪﻡ ﻭ ﯾﺎﺭ

ﺟﻮ ﮐﺎﭨﺘﯽ ﮨﮯ ﺳﺮِ ﺣﻖ، ﻭﮦ ﭼﻮﻡ ﻟﻮﮞ ﺗﻠﻮﺍﺭ

ﺧﻄﺎ ﻭ ﺟﺮﻡ ﮐﮩﻮﮞ ﺍﭘﻨﯽ ﺑﮯ ﮔﻨﺎﮨﯽ ﮐﻮ

ﺳﺤﺮ ﮐﺎ ﻧﻮﺭ ﻟﮑﮭﻮﮞ ﺭﺍﺕ ﮐﯽ ﺳﯿﺎﮨﯽ ﮐﻮ

ﺟﻮ ﻣﭩﻨﮯ ﻭﺍﻟﮯ ﮨﯿﮟ ﺍﻥ ﮐﮯ ﻟﯿﮱ ﺩﻭﺍﻡ ﻟﮑﮭﻮﮞ

ﺛﻨﺎﺀ ﯾﺰﯾﺪ ﮐﯽ ﺍﻭﺭ ﺷﻤﺮ ﭘﺮ ﺳﻼﻡ ﻟﮑﮭﻮﮞ

ﺟﻮ ﮈﺱ ﺭﮨﺎ ﮨﮯ ﻭﻃﻦ ﮐﻮ ﻧﮧ ﺍﺱ ﮐﺎ ﻧﺎﻡ ﻟﮑﮭﻮﮞ

ﺳﻤﺠﮫ ﺳﮑﯿﮟ ﻧﮧ ﺟﺴﮯ ﻟﻮﮒ ﻭﮦ ﮐﻼﻡ ﻟﮑﮭﻮﮞ

ﺩﺭﻭﻍ ﮔﻮ ﺉ ﮐﻮ ﺳﭽﺎﺉ ﮐﺎ ﭘﯿﺎﻡ ﮐﮩﻮﮞ

ﺟﻮ ﺭﺍﮦ ﺯﻥ ﮨﮯ ﺍﺳﮯ ﺭﮨﺒﺮ ﻋﻮﺍﻡ ﮐﮩﻮﮞ

ﻣﯿﺮﮮ ﺟﻨﻮﮞ ﮐﻮ ﻧﮧ ﭘﮩﻨﺎ ﺳﮑﻮ ﮔﮯ ﺗﻢ ﺯﻧﺠﯿﺮ

ﻧﮧ ﮨﻮ ﺳﮑﮯ ﮔﺎ ﮐﺒﮭﯽ ﺗﻢ ﺳﮯ ﻣﯿﺮﺍ ﺫﮨﻦ ﺍﺳﯿﺮ

ﺟﻮ ﺩﯾﮑﮭﺘﺎ ﮨﻮﮞ ﺟﻮ ﺳﭻ ﮨﮯ ﮐﺮﻭﮞ ﮔﺎ ﻭﮦ ﺗﺤﺮﯾﺮ

ﻣﺘﺎﻉ ﮨﺮ ﺩﻭ ﺟﮩﺎﮞ ﺑﮭﯽ ﻧﮩﯿﮟ ﺑﮩﺎﮰ ﺿﻤﯿﺮ

ﻧﮧ ﺩﮮ ﺳﮑﮯ ﮔﯽ ﺳﮩﺎﺭﺍ ﺗﻤﮩﯿﮟ ﮐﻮ ﺉ ﺗﺪﺑﯿﺮ

ﻓﻨﺎ ﺗﻤﮩﺎﺭﺍ ﻣﻘﺪﺭ ﺑﻘﺎ ﻣﯿﺮﯼ ﺗﻘﺪﯾﺮ

ﻧﮧ ﮔﻔﺘﮕﻮ ﺳﮯ ﻧﮧ ﻭﮦ ﺷﺎﻋﺮﯼ ﺳﮯ ﺟﺎﮰ ﮔﺎ

ﻋﺼﺎ ﺍﭨﮭﺎﺅ ﮐﮧ ﻓﺮﻋﻮﻥ ﺍﺳﯽ ﺳﮯ ﺟﺎﮰ ﮔﺎ

ﺍﮔﺮ ﮨﮯ ﻓﮑﺮ ﮔﺮﯾﺒﺎﮞ ﺗﻮ ﮔﮭﺮ ﻣﯿﮟ ﺟﺎ ﺑﯿﭩﮭﻮ

ﯾﮧ ﻭﮦ ﻋﺬﺍﺏ ﮨﮯ ﺩﯾﻮﺍﻧﮕﯽ ﺳﮯ ﺟﺎﮰ ﮔﺎ

ﺑﺠﮭﮯ ﭼﺮﺍﻍ، ﻟﭩﯿﮟ ﻋﺼﻤﺘﯿﮟ، ﭼﻤﻦ ﺍﺟﮍ ﺍ

ﯾﮧ ﺭﻧﺞ ﺟﺲ ﻧﮯ ﺩﯾﮱ ﮐﺐ ﺧﻮﺷﯽ ﺳﮯ ﺟﺎﮰ ﮔﺎ

ﺟﯿﻮ ﮨﻤﺎﺭﯼ ﻃﺮﺡ ﺳﮯ ﻣﺮﻭ ﮨﻤﺎﺭﯼ ﻃﺮﺡ

ﻧﻈﺎﻡ ﺯﺭ ﺗﻮ ﺍﺳﯽ ﺳﺎﺩﮔﯽ ﺳﮯ ﺟﺎﮰ ﮔﺎ

ﺟﮕﺎ ﻧﮧ ﺷﮩﮧ ﮐﮯ ﻣﺼﺎﺣﺐ ﮐﻮ ﻧﯿﻨﺪ ﺳﮯ ﺟﺎﻟﺐ

ﺍﮔﺮ ﻭﮦ ﺟﺎﮒ ﺍﭨﮭﺎ ﻧﻮ ﮐﺮﯼ ﺳﮯ ﺟﺎﮰ ﮔﺎ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

ﺑﮯ ﻧﺎﻡ ﺳﮯ ﺳﭙﻨﮯ ﺩﮐﮭﻼ ﮐﺮ

ﺍﮮ ﺩﻝ ﮨﺮ ﺟﺎ ﻧﮧ ﭘﮭﺴﻼ ﮐﺮ

ﯾﮧ ﺩﯾﺲ ﮨﮯ ﺍﻧﺪﮬﮯ ﻟﻮﮔﻮﮞ ﮐﺎ

ﺍﮮ ﭼﺎﻧﺪ ﯾﮩﺎﮞ ﻧﮧ ﻧﮑﻼ ﮐﺮ

ﻧﮧ ﮈﺭﺗﮯ ﮨﯿﮟ ﻧﮧ ﻧﺎﺩﻡ ﮨﯿﮟ

ﮨﺎﮞ ﮐﮩﻨﮯ ﮐﻮ ﻭﮦ ﺧﺎﺩﻡ ﮨﯿﮟ

ﯾﮩﺎﮞ ﺍﻟﭩﯽ ﮔﻨﮕﺎ ﺑﮩﺘﯽ ﮨﮯ

ﺍﺱ ﺩﯾﺲ ﻣﯿﮟ ﺍﻧﺪﮬﮯ ﺣﺎﮐﻢ ﮨﯿﮟ

ﯾﮧ ﺩﯾﺲ ﮨﮯ ﺍﻧﺪﮬﮯ ﻟﻮﮔﻮﮞ ﮐﺎ

ﺍﮮ ﭼﺎﻧﺪ ﯾﮩﺎﮞ ﻧﮧ ﻧﮑﻼ ﮐﺮ

ﯾﮩﺎﮞ ﺭﺍﻗﻢ ﺳﺎﺭﮮ ﻟﮑﮭﺘﮯ ﮨﯿﮟ

ﻗﻮﺍﻧﯿﻦ ﯾﮩﺎﮞ ﻧﮧ ﭨﮑﺘﮯ ﮨﯿﮟ

ﮨﯿﮟ ﯾﮩﺎﮞ ﭘﺮ ﮐﺎﺭﻭﺑﺎﺭ ﺑﮩﺖ

ﺍﺱ ﺩﯾﺲ ﻣﯿﮟ ﮔﺮﺩﮮ ﺑﮑﺘﮯ ﮨﯿﮟ

ﯾﮧ ﺩﯾﺲ ﮨﮯ ﺍﻧﺪﮬﮯ ﻟﻮﮔﻮﮞ ﮐﺎ

ﺍﮮ ﭼﺎﻧﺪ ﯾﮩﺎﮞ ﻧﮧ ﻧﮑﻼ ﮐﺮ

ﯾﮩﺎﮞ ﮈﺍﻟﺮ ﮈﺍﻟﺮ ﮨﻮﺗﯽ ﮨﮯ

ﮐﺴﻮﭨﯽ ﮨﮯ ﺟﯽ ﮈﯼ ﭘﯽ ﺍﻭﺭ

ﮐﭽﮫ ﻟﻮﮒ ﮨﯿﮟ ﻋﺎﻟﯿﺸﺎﻥ ﺑﮩﺖ

ﺍﻭﺭ ﮐﭽﮫ ﮐﺎ ﻣﻘﺼﺪ ﺭﻭﭨﯽ ﮨﮯ

ﯾﮧ ﺩﯾﺲ ﮨﮯ ﺍﻧﺪﮬﮯ ﻟﻮﮔﻮﮞ ﮐﺎ

ﺍﮮ ﭼﺎﻧﺪ ﯾﮩﺎﮞ ﻧﮧ ﻧﮑﻼ ﮐﺮ

ﺍﻣﯿﺪ ﮐﻮ ﻟﮯ ﮐﺮ ﭘﮍﮬﺘﮯ ﮨﯿﮟ

ﭘﮭﺮ ﮈﮔﺮﯼ ﻟﮯ ﮐﺮ ﭘﮭﺮﺗﮯ ﮨﯿﮟ

ﺟﺐ ﺟﺎﺏ ﻧﮧ ﺍﻥ ﮐﻮ ﻣﻠﺘﯽ ﮨﮯ

ﭘﮭﺮ ﺧﻮﺩﮐﺶ ﺣﻤﻠﮯ ﮐﺮﺗﮯ ﮨﯿﮟ

ﯾﮧ ﺩﯾﺲ ﮨﮯ ﺍﻧﺪﮬﮯ ﻟﻮﮔﻮﮞ ﮐﺎ

ﺍﮮ ﭼﺎﻧﺪ ﯾﮩﺎﮞ ﻧﮧ ﻧﮑﻼ ﮐﺮ

ﻭﮦ ﮐﮩﺘﮯ ﮨﯿﮟ ﺳﺐ ﺍﭼﮭﺎ ﮨﮯ

ﺍﻭﺭ ﻓﻮﺝ ﮐﺎ ﺭﺍﺝ ﮨﯽ ﺳﭽﺎ ﮨﮯ

ﮐﮭﻮﺗﺎ ﮔﺎﮌﯼ ﻭﺍﻻ ﮐﯿﻮﮞ ﻣﺎﻧﮯ

ﺟﺐ ﺑﮭﻮﮐﺎ ﺍﺱ ﮐﺎ ﺑﭽﮧ ﮨﮯ

ﯾﮧ ﺩﯾﺲ ﮨﮯ ﺍﻧﺪﮬﮯ ﻟﻮﮔﻮﮞ ﮐﺎ

ﺍﮮ ﭼﺎﻧﺪ ﯾﮩﺎﮞ ﻧﮧ ﻧﮑﻼ ﮐﺮ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔