رپورٹ : سعید علی عمران
26 نومبر 2020 کو لاہورمیں مصطفائی تحریک کی مرکزی انتظامی کونسل اورکابینہ پنجاب شمالی، ڈویژنل صدور کے اجلاس یکے بعددیگرے ایوان خیرمیں منعقد ہوئے۔ پہلے اجلاس کی صدارت مرکزی نائب امیر جناب زاہد محمود خان ایڈوکیٹ نے فرمائی ، جبکہ جناب شیخ طاہر انجم چیئرمین مصطفائی بزنس فورم مہمان گرامی تھے۔جناب حافظ محمد قاسم مصطفائی سیکرٹری جنرل مصطفائی تحریک پاکستان نے نظامت کے فرائض سرانجام دئیے،
خواجہ خالد آفتاب صاحب نے شادابی پاکستان مہم پر بات کرتے ہوئے کہا کہ ہمارے ملک کا موسم ایسا ہے ، کہ سارا سال شجر کاری کی جاسکتی ہے۔ اور چیف کنزرویٹو آف فاریسٹس کی جانب سے مصطفائی تحریک پاکستان کو انتہائی کم قیمت یعنی 2 روپے پر پودے دینے کے آرڈر جاری کرنے کا بتایا۔
جناب طاہر انجم شیخ نے بزنس اصلاحات پر اظہارِخیال کیا اور کہا کہ اڑھائی پریسنٹ زکوٰۃ سے کم توضیف لگایا جائے۔ تومعاشی سیکٹر میں بہتری آسکتی ہے۔
جناب حافظ قاسم مصطفائی سیکرٹری جنرل نے وکلاء کنونشن ،وکلا رابطے اور الیکشن پر تجاویز دیں۔ لائر ز کے حوالے سے دسمبر تک کا ٹارگٹ اور مرکزی دفتر کو فنکشنل کرنے کا کہا۔جناب رانا زاہد محمود خاں صاحب نے انجمن طلباء اسلام کے ساتھ تعاون کی ضرورت کو اجاگر کیا۔
صوبائی کابینہ پنجاب شمالی کے اجلاس کی صدارت جناب ذوالفقار حیدر سیالوی صاحب نے کی،اورمعاونت جناب مظہر سلیم حجازی نے فرمائی۔
سعید علی عمران ڈویژنل صدر مصطفائی تحریک فیصل آباد نے علامہ کی وفات کی پوسٹ لگانے پرفیسبک پیجز پر پابندی کے مقابلے میں مصطفائی نیوز آن لائن میگزین کی افادیت پر بات کی۔
جناب ذوالفقار حیدر سیالوی صوبائی صدر پنجاب شمالی نےمرکزی امیر محترم کے دورہ کے لیے دسمبرکی تجویز دی۔ ہرضلعی ہیڈ کواٹر پر تربیتی میٹنگز اور رفقائے انجمن سے ملاقاتیں نیز ممبر سازی کی جائے۔ پیر سعیداحمد چشتی ڈویژنل صدر ساہیوال نے مصطفائی تعلیمات پرائیوٹ لمیٹڈ پر پیش رفت سے آگاہ کیا۔
اجلاس میں میاں شہزاد احمد مرکزی خازن، سید ارشد گیلانی صاحب سنیئر نائب صدر پنجاب شمالی،جناب محمد اعظم سعید صاحب نائب صدر پنجاب شمالی، جناب حافظ محمد زوار صوبائی نائب صدر مصطفائی تحریک جنوبی پنجاب، جناب اویس مصطفائی صاحب، جناب رفاقت علی صاحب ،جناب ڈاکٹر محمد تیمور خاں فیصل آباد،جناب محمد علی قمر ڈوگر صاحب لاہور ڈویژن،جناب آفتاب مصطفائی صاحب، جناب عطا اللہ کمیر صاحب ساہیوال نے شرکت فرمائی۔
اجلاس کے آخر پرجناب ڈاکٹر تیمور خان ،جناب خواجہ خالد آفتاب کے بھائی، جناب سعید احمد چشتی کی والدہ صاحبہ،جناب مولانا جمیل احمد نعیمی بانی انجمن اور جناب علامہ خادم حسین کی وفات پر فاتحہ خوانی اور بلندی درجات کی دعا کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوئی تبصرے نہیں:
ایک تبصرہ شائع کریں