مصطفائی تحریک اور انجمن طلباء اسلام حافظ آباد کے زیر۔ اہتمام ڈسٹرکٹ پریس کلب حافظ آباد میں ممتاز نعت نگار ، معروف ماہر تعلیم ، نقاد اور انجمن طلباء اسلام و مصطفائی تحریک حافظآباد کے بانی رکن جناب عبدالغنی تائب کی علمی ادبی ، تعلیمی ، تنظیمی خدمات کو خراج تحسین پیش کرنے کے لئے ایک عظیم الشان سیمینار " عبدالغنی تائب ۔۔۔ فکر و فن کے آئینہ میں " کے عنوان سے منعقد کیا گیا ۔ صدارت مصطفائی تحریک حافظ آباد کے ضلعی صدر افتخار احمد چشتی نے کی، مصطفائی تحریک کے مرکزی سیکرٹری فنانس جناب میاں شہزاد محمود ( لاہور ) مہمان خصوصی تھے ۔ مصطفائی تحریک کے ضلعی جنرل سیکرٹری جناب ذوالفقار علی ظفر نے نقابت کے فرائض سرانجام دئیے ۔ تلاوت کلام پاک کی سعادت جناب محمد ابراہیم بھٹی نے حاصل کی جبکہ جناب ڈاکٹر فیض الحسن نے بارگاہ رسالت نآب صلی اللہ علیہ و آلہ و سلم میں نذرانہء نعت پیش کیا ۔ سیمینار میں جن مقررین نے اظہار خیال کیا ، ان میں جناب بیرسٹر علامہ پیر سید محمد وسیم الحسن نقوی ، جناب کرنل ( ر ) علی احمد اعوان ، جناب رائے غضنفر علی کھرل چیئرمین پریس کلب ، جناب افتخار احمد چشتی ، جناب ڈاکٹر ظہیر اکبر مرزا ، جناب یاسر عظیم چوہان ، جناب آفتاب احمد نیر صدیقی ، ایدھی حافظ آباد جناب عبدالجبار رضا انصاری ، جناب وقاص رضا اعوان صدر ڈسٹرکٹ بار ، جناب حافظ عزیز الرحمان ، جناب قاضی فاروق احمد بزمی ، جناب ملک سلطان احمد ، جناب ڈاکٹر ذوالفقار علی ظفر اور دیگر شامل تھے ۔ مقررین نے عبدالغنی تائب کی انجمن طلباء اسلام ، مصطفائی تحریک کے حوالہ سے تنظیمی و تحریکی سرگرمیوں اور بطور نعت نگار فروغ نعت کے سلسلہ میں خدمات پر انہیں زبردست خراج تحسین پیش کیا ۔ سیمینار میں اہل سنت کے عظیم مذہبی و علمی اسکالر محترم علامہ رضاء الدین صدیقی کی وفات پر گہرے رنج و غم کا اظہار کیا گیا اور مرحوم کی مغفرت اور بلندیء درجات کے لئے دعا کی گئی ۔ سیمینار کا انعقاد چیئرمین پریس کلب جناب رائے غضنفر علی کھرل کے تعاون اور جناب محمد ابراہیم بھٹی کے زیر انصرام انتہائی کامیاب رہا ۔ آخر میں مصطفائی تحریک حافظ آباد کی جانب سے مہمانان و شرکاء کی بریانی و مشروبات سے تواضع کی گئی ۔۔۔۔۔۔۔۔۔
کوئی تبصرے نہیں:
ایک تبصرہ شائع کریں