جناب ڈاکٹر غلام یسین صاحب صدر پاکستان نعت کونسل انٹرنیشنل فتح جنگ کا خوبصورت فن پارہ
۔۔ نعت گوٸی کے آداب ۔۔
ہر وہ ادب پارہ جس میں حضور جان رحمت سرور دوعالم صل اللہ وعلیہ وسلم کے فضاٸل ومناقب،شماٸل وخصاٸل ،اخلاق وکردار،تعریف وتوصیف ،مدح وثنا،خوبصورت اوصاف حمیدہ کا بیان،فضاٸل ومحاسن جمیلہ کا اظہار ،والہانہ عقیدت ومحبت کے جزبات کی ترجمانی اور مقصد وبعثت نبوت کا تزکرہ ہو نعت کہلاتا ہے ۔۔۔۔۔۔۔۔۔۔۔۔۔۔۔۔۔۔۔نعت کہنے کے لیے عبدیت والو ہییت میں فرق کا شعور ،لب ولہجے کی پاکیزگی،لفظوں کی موزونییت، ادب واحترام کی فضا، بعد از خدا بزرگ توٸی کا ادراک،رحمت وشفاعت کی حدود،توسل استغاثہ واستمداد کی شرعی نوعییت ،غلو آمیزضلالت اور عجز آمیز اہانت کا احساس،حفظ مراتب کا احساس،عام عشق ومحبت میں استعمال ہونے والے عامیانہ لفظیات ، تشبیہات واستعارات سے احتراز،فحش فلمی گانوں ودھنوں اور بے تکلفی سے پکارنے سےاجتناب،مضامین کی پاکیزگی اور انداز بیاں کی نفاست ولطافت کا ہونا ضروری ہے................۔۔۔۔۔۔۔۔۔الفاظ دست بستہ میرے سامنے ہیں سب ۔۔۔۔جانچا ہے میں نے خوب ہر لفظ کا نسب۔۔۔۔تھرا رہا ہے پھر بھی قلم کیا لکھوں لقب۔۔۔۔۔۔
میں پیش آفتاب ہوں مثل چراغ شب ۔۔۔۔۔۔۔۔۔۔۔۔کس سے بیاں ہو مرتبہ عالی وقارکا۔۔۔۔لاوں کہاں سے ڈھنگ میں پروردگار کا۔۔۔۔۔۔۔۔۔۔۔۔۔۔۔۔۔۔۔نعت خوان با وضو ہوکر نہایت خشوع وخضوع عشق ومحبت اور ادب مصطفے جان رحمت صل اللہ علیہ وسلم سے سرشار ہو کرنعت پڑھے نعت خوانی حب رسول میں اضافے، ایمان کی تازگی ، خیالات میں شادابی اور دل ودماغ میں روحانی سرور کا باعث بنے گویا۔لفظ جب تک وضو نہیں کرتے ۔۔۔ہم آپ کی گفتگو نہیں کرتے نعت خوان خوش گلو ہو بے سرا نہ ہو ۔آواز کا مناسب وبروقت اتار چڑھاٶ جانتا ہو ۔اس کی لے میں ہم وزن ٹھراٶ ہو۔غنان پن یعنی ناک سے آواز نکالنے سے پرھیز کرے آواز میں دھڑک۔ کھردرا پن ۔کپکپی۔نہ ہو آواز کو بے ہنگم زیرو بم سے بچاۓ اور فالتو راگوں سے پرھیز کرے نعت خوانی کو فن تجوید وقرآت کی طرح پاکیزہ فن سمجھے اس ادب سے نعت پڑھے کہ خود کو مواجہ شریف کے سامنے محسوس کرے جہاں سانسوں کا شور اور بےترتیبی بھی بے ادبی ہے جہاں جنیدوبایزید بھی نفس می گم کردہ کے مصداق اشکوں کی زباں سے گفتگو کرتے ہیں اس روحانی نورانی وجدانی کیفییت میں جب نعت خوان کی دھڑکنیں صل علی بن جاٸیں تو پھر وہ نعت اپنے سامعین کوعشق سرکار کے بحر بے کراں میں غوطہ زن ہونے کا شرف اور سلیقہ عطا کرتی ہے۔۔
ہزار بار بشوٸم دھن بہ مشک وگلاب۔
۔ہنوز نام تو گفتن کمال بے ادبیست۔
(اظہار تشکر۔ ڈاکٹر غلام یسین صاحب نے از حد شستہ و شگفتہ دلنشین اور پرکیف تحریر کا تحفہ عنایت فرمایا ھے جس پر ناچیز سراپا سپاس ھے۔ دوست اس تحریر کو ازبر کر لیں,عبدالقیوم ترازی ایڈوکیٹ چیئرمین پاکستان نعت کونسل انٹرنیشنل ۔)
کوئی تبصرے نہیں:
ایک تبصرہ شائع کریں